Durru'l-Mecalis

Ev xebata giranbiha ji 84 hîkayetan pêk tê. Ev hîkayetên ji alîyê Mela Mehmûdê Bazîdî ve hatine neqilkirin, di koleksîyona Alexandre Jabayî da hatine parastin. Mijar û naveroka van hîkayetan bi giştî li ser nakokî û pirsgirêkên mirovan û awayê çareserîya wan e. Hîkayet li dora peyvên nezanî, şarezayî, fenbazî, dilsozî, comerdî û alîkarîyê tên hûnandin. Her hîkayeta vê pirtûkê şîretekê jî bi xwe ra tîne. Em bi vê berhema nivîskî xwe digihînin kurdîya kurmancî ya herî kêm sed û heftê sal berê.