Hawar

“Hawar” wek fîlmekî mezin û dirêj kêlîk bi kêlîk pêşketina ziman û çanda kurdî ji me re vedibêje. “Hawar” bi giştî 11 sal û 57 hejmaran derdikeve, ji hejmara 1ê heta hejmara 23yan di maweya salekê de derdikeve, lê ji hejmara 24an heta hejmara dawî 57an 10 sal serbas dibe; kovar sala ewil baş dest pê dike, lê dûre bêderfetî dev jê bernade, carna bi salan weşana wê radiweste. Hejmara wê ya yekem di 15ê Gulana 1932yan de derdikeve ku ev dîrok ango “15ê Gulanê” îro wek “Roja Zimanê Kurdî” jî tê pîrozkirin. Hejmara dawî 15 Tebaxa 1943an e. 1943 sala herbê ye, di vê mêjûyê de Duyem Herba Cîhanê didome. “Hawar” dibistana kurdan e, dibistana Cegerxwîn’an, Qedrî Can’an û Osman Sebrî’yan e... “Hawar” destpêka neteweperwerî û rewşenbîriya kurdan e.