Li Muksê Folklor û Jîyana Rojane

Di dawiya havîna 1911an de Î.A. Orbelî li ser navê Akademiya Zanyarî ya Petersbûrgê hatiye wîlayeta Wanê ku bi taybetî li ser çand, huner û zimanê Ermeniyan lêkolînê bike û der barê pirtûkên destnivîs ên dêran de malûmatan berhev bike. Dema hatiye Wanê, xwestiye ku here herêma Muksê jî. Lê çûyina wî ya Muksê tesîreke mezin li ser wî kiriye. Li Muksê rastî çand û hunera Ermenî û Kurdan hatiye, dîtiye ku çandeke dewlemend li wir heye. Herwisa derfet dîtiye ku Muhtila Begê navdar jî nas bike. Muhtila Beg jî wê demê rêveberê Muksê bûye.