Mem û Zin û Folklor

Di dîroka gelek neteweyan da hinek kesayet hene ku rolên gelek mezin lîstine. Piştî ku li vê dinyayê koç kirîne û çûne, li pey xwe şopên gelek kûr û bibandor hîştine. Ev cûre kesayetane xizmetên gelek giranbiha ji bo dîrok û civata mirovahiyê kirîne. Şaristanî deyndarê ewan kesayetiyane ye. Kesayetên ku hizr û ramaneke wan hebûye û rêçek destpê kirîne û karîne di dema xwe da bandorek mezin li ser civata xwe dayînin.