Zana Û Rewşenbîr Evdirehîm Rehmî Hekkarî

Evdirehîm Rehmî Hekkarî, yek ji wan helbestvan û rewşenbîran e ku di sedsala bîstem de mohra xwe li weşanên Kurdî xistiye. Ji ber zêdebûna zilm û zordariyê, mixabin nifşên nû yên kurdan helbestvanekî mîna Evdirehîm Rehmî nas nekirin û xwedîtî lê nekirin. Berhem û helbestên wî demeke dirêj di bin axa jibîrkirinê de man. Lêbelê bi pêşketina azadiyê û xebatên kurdnasiyê, êdî roj bi roj pir gencîneyên mîna Rehmî dertêne holê û digihêne gelê kurd. Bi vî awayî zarokên kurdan ji mazî û mezinên xwe agahdar dibin û bi hişmendiya wan li hember asîmîlasyona dînî û neteweyî li ber xwe didin. Ev pirtûk bi giranî dewsa jiyan û berhemên wî yên Kurdî yên serdema osmaniyan dişopîne. Fikr û ramanên wî yên derbarê civaka kurdan de li ber çavan radixe. Fikriyata Evdirehîm Rehmî weke mînakekê bi nifşên nû yên kurdan dide naskirin.